NATO ölkələri hərbi xərcləri artıracaq

NATO ölkələri hərbi xərcləri artırmağa hazırdırlar.

Sizinxeber.az “Reuters”ə istinadən xəbər verir ki, bu barədə İtaliyanın müdafiə naziri Quido Krozetto məlumat verib.

Buna baxmayaraq alyans ölkələri xərcləri ABŞ-nin yeni seçilmiş Prezidenti Donald Trampın tələb etdiyi kimi ÜDM-in 5%-nə qaldırmayacaqlar. Bu rəqəmin ÜDM-nin 2%-dən çox olacağı nəzərdə tutulur.

“Görünən odur ki, artım olacaq. Düşünmürəm ki, 5% olacaq, indiki vəziyyətdə bu, mümkünsüzdür. Amma 2% də olmayacaq, ikidən çox olacaq”, - nazir qeyd edib.