İsrailin xarici işlər naziri İsrael Katz BMT-nin baş katibi Antonio Quterreşi “arzuolunmaz şəxs” (persona non qrata) elan etmək qərarından dönməyəcəyini bildirib.

APA xəbər verir ki, Katz bu haqda “X” hesabında məlumat verib.

"Quterreş BMT-də dəstək üçün imza toplamağa cəhd etməyə davam edə bilər, qərar dəyişdirilməyəcək", - deyə o bildirib.

Katz əlavə edib ki, o, BMT-nin baş katibini “arzuolunmaz şəxs” elan edib və İranın İsrailə raket hücumunu pisləmədiyinə görə onun İsrailə girişini qadağan edib.

O həmçinin sorğu nəticəsində İsrail ictimaiyyətinin 87%-inin bu qərarı dəstəklədiyinin məlum olduğunu deyib.

Oxşar xəbərlər

İsrail BMT-nin Baş katibini "arzuolunmaz şəxs" elan edib

İsrail BMT-nin baş katibini “persona non-grata” elan edib

İsrailin BMT-dəki nümayəndəsi: Mülki vətəndaşlarımıza qarşı hücumlara səssiz qalmayacağıq

Türkiyə İsrailin Quterreşi persona non qrata elan etmə qərarını pisləyib