Türkiyə bir sıra beynəlxalq enerji layihələrinə sərmayə yatırıb.

Sizinxeber.az-nın Antalyaya ezam olunmuş əməkdaşının xəbərinə görə, bunu Türkiyənin energetika və təbii sərvətlər naziri Alparslan Bayraktar V Antalya Diplomatiya Forumu çərçivəsində keçirilən panel müzakirədə deyib.

O bildirib ki, Cənub Qaz Dəhlizi bu baxımdan mühüm və təsirli layihələrdən biridir.

Nazir qeyd edib ki, Türkiyə hər il təxminən 10 giqavat həcmində günəş və külək enerjisi, eləcə də digər enerji sahələrinə investisiya yatırır.

Onun sözlərinə görə, enerji keçidi qaçılmazdır və artıq baş verir, lakin bu proses “ağıllı enerji keçidi” prinsipi ilə həyata keçirilməlidir.

Alparslan Bayraktar vurğulayıb ki, Türkiyə bərpaolunan enerji resurslarından maksimum istifadəni təşviq edir, eyni zamanda, enerji istehsalında nüvə enerjisinin gücünü artırmağı planlaşdırır.

O deyib ki, məqsəd 2050-ci ilə qədər 20 giqavat gücündə nüvə enerjisi istehsalına nail olmaqdır.

Alparslan Bayraktar əlavə edib ki, neft-qaz yaxın dövrdə enerji balansında qalmağa davam edəcək və Türkiyə bu sahə üzrə həm quruda, həm də dənizdə hasilat layihələrinə sərmayə yatırır.

Oxşar xəbərlər

Türkiyə və Oman enerji sahəsində əməkdaşlıq barədə razılığa gəlib

Zəngəzur dəhlizi ilə bütün enerji resursları və logistik yollar Türkiyəyə çatdırılacaq

Alparslan Bayraktar: "Zəngəzur dəhlizi üzərindən enerji və logistika axını Türkiyəyə yönələcək"

Alparslan Bayraktar: Türkiyənin Hörmüzdən başqa alternativ marşrutları da var

Nazir: Avropada yaşanan enerji problemi Türkiyəyə də təsir edəcək