Yaxın zamanda Zəngəzur dəhlizi üzərindən bütün enerji resursları və logistik yollar Türkiyəyə çatdırılacaq.

"APA-Economics"in Türkiyəyə ezam olunmuş müxbiri xəbər verir ki, bunu Türkiyə-Suriya qaz boru kəmərinin açılışı mərasimi çərçivəsində Türkiyə Respublikasının energetika və təbii sərvətlər naziri Alparslan Bayraktar jurnalistlərə açıqlamasında bildirib.

Onun sözlərinə görə, hazırda Azərbaycandan elektrik enerjisi Gürcüstan üzərindən Türkiyəyə çatdırılır.

"Eyni zamanda Orta Asiyadakı digər enerji mənbələri və digər logistik məsələlər Azərbaycan üzərindən Türkiyəyə, Türkiyə üzərindən isə Avropaya çatdırılacaq", - nazir qeyd edib.

Alparslan Bayraktar vurğulayıb ki, Azərbaycandakı təbii sərvətlərin - neft, qaz, bununla yanaşı elektrik enerjisinin Türkiyəyə ixracı ilə bağlı bütün layihələri Azərbaycanla birlikdə aparılır.

"Bu istiqamətdə mühüm irəliləyişlər var. Bu günədək həyata keçirilən layihələrə misal olaraq Bakı-Tibilisi-Ceyhan, Bakı-Tibilisi-Ərzurum kəmərləri, eləcədə Naxçıvan-Türkiyə elektrik interkonnektorunu qeyd edə bilərəm", - nazir əlavə edib.

Boru kəmərinin açılış mərasimi keçirilib

Qeyd edək ki, Türkiyənin Kilis vilayətinin Yavuzlu kəndində Türkiyə-Suriya təbii qaz boru kəmərinin açılış mərasimi keçirilib. Borunun istifadəyə verilməsi ilə Azərbaycan qazının Türkiyə üzərindən Suriyaya ixracına başlanılıb.

İllik 1,2 milyard kubmetrlik nəql planlaşdırılır

Xatırladaq ki, SOCAR ilə Suriya arasında bu yaxınlarda imzalanmış sənəd üzrə təbii qazın nəqli üçün hazırlıqlar tamamlanıb. İlk mərhələdə illik 1,2 mlrd. kubmetr təbii qazın Suriyaya göndərilməsi planlaşdırılır. Qaz Türkiyə sərhədindəki Kilis şəhərindən keçərək Hələb və Homsdakı elektrik stansiyalarına çatacaq və elektrik istehsalı üçün istifadə olunacaq. Bunun sayəsində təxminən 1.200–1.300 meqavatlıq istehsal gücü hədəflənir.

Oxşar xəbərlər

Türkiyəli nazir: Zəngəzur dəhlizinin açılması Azərbaycanla ticarət həcmini artırmağa kömək edəcək [xfgiven_updateblue][/xfgiven_updateblue]

Türkiyə-Suriya qaz kəmərinin açılış mərasiminə hazırlıqlar görülür - VİDEO - FOTO [xfgiven_updateblue][/xfgiven_updateblue]

Nazir: Türkiyənin Azərbaycanla əlaqələri hər sahədə ən yüksək səviyyədədir [xfgiven_updateblue][/xfgiven_updateblue]

Azərbaycan və Türkiyə arasında elektrik enerjisi sahəsində imzalanma olub [xfgiven_updateblue][/xfgiven_updateblue]

Alparslan Bayraktar: İlkin mərhələdə Suriyaya ildə 2 milyard kubmetrə qədər təbii qaz ixracı mümkün olacaq [xfgiven_updateblue][/xfgiven_updateblue]