Keçmiş administrasiyanın əməkdaşları Baydenin sağlamlığı ilə bağlı Konqresdə ifadə verəcək

ABŞ-ın keçmiş prezidenti Co Baydenin administrasiyasında çalışmış dörd sabiq vəzifəli şəxs onun kognitiv sağlamlığı ilə bağlı davam edən araşdırması çərçivəsində Konqresdə ifadə verməyə razılıq verib.

Sizinxeber.az xəbər verir ki, bu barədə "Axios" portalı məlumat yayıb.

İfadə verəcək şəxslər arasında keçmiş Daxili Siyasət Şurasının direktoru Nira Tanden, Ağ Evin keçmiş aparat rəhbərinin müavini Enni Tomasini və digər keçmiş məmurlar var.

Bildirilib ki, dindirilmələr 24 iyun tarixində başlanacaq və 18 iyul tarixinə qədər davam edəcək.