Vaşinqton Kiyevlə ərazi güzəştləri məsələsini müzakirə edib.

APA xəbər verir ki, bu barədə ABŞ Dövlət katibi Marko Rubio bildirib.

“Səudiyyə Ərəbistanında biz ərazi güzəştlərindən danışdıq”, - o deyib.

Rubio qeyd edib ki, Birləşmiş Ştatlar Rusiyanı hərbi əməliyyatları dayandırmaq barədə düşünməyə çağırır: “ABŞ Rusiyanı Ukraynada hərbi əməliyyatların dayandırılması məsələsinə nəzərdən keçirməyə çağırır və Moskvadan cavab gözləyir”.

ABŞ Dövlət katibi Rusiya ilə Ukrayna arasında münaqişənin hərbi yolla həllinin olmadığını vurğulayıb: “Ukraynadakı vəziyyəti həll etməyin yeganə yolu danışıqlardır”.

Rubio Moskvadan müsbət cavab alacaqlarına ümid etdiyini bəyan edib.

O, eyni zamanda, Rusiyanın reaksiyasının hələ aydın olmadığını açıqlayıb.

Rubio mineral sövdələşməni təhlükəsizlik zəmanəti kimi görmədiyini də vurğulayıb.

“Ukrayna üzrə sülh danışıqlarında əsas məsələ gələcək təcavüzə qarşı çəkindirmədir və avropalılar bu prosesdə iştirak etməlidirlər”, - Rubio əlavə edib.

Oxşar xəbərlər

Hakan Fidan və Marko Rubio Cənubi Qafqazdakı mövcud vəziyyəti müzakirə ediblər - YENİLƏNİB

Rubio: ABŞ Ukrayna münaqişəsinə son qoymaq istəyir

Marko Rubio Kanadanın XİN başçısı ilə görüşüb

Marko Rubio: Rusiyanın atəşkəsə razılaşacağına ümid edirik

Rubio Lavrovla ABŞ və Rusiya səfirliklərinin fəaliyyətini müzakirə edib