ABŞ hökuməti İsrailə təxminən 4 milyard dollar dəyərində hərbi yardımın çatdırılmasını sürətləndirəcək.

Sizinxeber.az xəbər verir ki, bu barədə ABŞ dövlət katibi Marko Rubionun şənbə günü yaydığı bəyanatda deyilir.

"Mən İsrailə təxminən 4 milyard dollarlıq hərbi yardımın çatdırılmasını sürətləndirmək üçün fövqəladə səlahiyyətlərdən istifadə etmək üçün bəyannamə imzaladım", - bəyanatda deyilir.

Bəyanatda həmçinin imzalanan sənədin ABŞ-nin əvvəlki prezidenti Co Bayden administrasiyası tərəfindən İsrailə müəyyən növ silahların tədarükünə qoyulan məhdudiyyətləri ləğv etdiyi bildirilir.

Qeyd edək ki, ABŞ prezidenti Donald Trampın administrasiyası 2025-ci il yanvarın 20-dən etibarən İsrailə ümumilikdə 12 milyard dollar dəyərində silah və hərbi texnika satışına icazə verib.

Oxşar xəbərlər

KİV: ABŞ İsrailə silah alışı üçün 3,5 milyard dollar verəcək

ABŞ İsrailə səkkiz milyard dollarlıq silah satmağı planlaşdırır

Axios: Bayden İsrailə 8 milyard dollar dəyərində silah satmaq niyyətindədir

Dövlət Departamenti Ər-Riyada 1 milyard dollarlıq silah satışına icazə verib

Tramp 4 milyard dollarlıq hərbi yardımın Ukraynaya veriləcəyinə aydınlıq gətirməyib