2024-cü ildə vəzifə borcunu yerinə yetirərkən 60-dan çox media işçisi öldürülüb. Fələstinli jurnalistlər arasında xüsusilə yüksək itki qeydə alınıb.

APA xəbər verir ki, bu barədə BMT-nin İnsan Hüquqları üzrə Ali Komissarı Volker Türkün noyabrın 1-də verdiyi bəyanatda deyilir.

“Jurnalistlərə qarşı törədilən cinayətlərə görə cəzasızlığa son” beynəlxalq günü münasibəti ilə Türk cari və əvvəlki illərin statistikasına istinad edib.

“2023-cü ildə 71 jurnalist və media işçisi öldürülüb, 300-dən çoxu isə həbs edilib. Qadın jurnalistlər tez-tez fiziki zorakılığa çevrilə bilən onlayn təcavüzün hədəfinə çevrilirlər. Artıq bu il 61 jurnalist vəzifə borcunu yerinə yetirərkən – çox vaxt münaqişələr, iqlim dəyişikliyi və ya digər böhranları işıqlandırarkən həlak olub”, - deyə mətndə deyilir.

Jurnalistlərin öldürüldüyü hər 10 cinayətdən təxminən səkkizinin cəzasız qaldığı qeyd edilir.

O həmçinin hökumətlərin hücumların qarşısını almaq, jurnalistləri qorumaq və günahkarları məsuliyyətə cəlb etmək üçün daha çox iş görməli olduğunu bildirib.

Oxşar xəbərlər

Medianın İnkişafı Agentliyi jurnalistlər üçün müsabiqə elan edib

APA Jurnalist Məktəbi yaradılıb

Jurnalistlər üçün "COP29 və Dayanıqlı Media Təcrübəsi" mövzusunda təlim başa çatıb

Jurnalist Azər Rəşidoğlu palataya köçürülüb - YENİLƏNİB

Elnarə Qasımovanın həbs müddəti uzadılıb