ABŞ Mərkəzi Komandanlığı (CENTCOM) Prezident Donald Trampın göstərişi ilə İran ərazisində bir neçə hərbi obyektə yeni zərbələr endirildiyini açıqlayıb.

Sizinxeber.az xəbər verir ki, bu barədə CENTCOM-un yaydığı məlumatda deyilir.

Komandanlığın məlumatına görə, zərbələr İranın kommersiya gəmisinə növbəti hücumuna cavab olaraq həyata keçirilib.

İddia olunur ki, iyunun 27-si səhər saatlarında İranın kamikadze pilotsuz uçuş aparatı Hörmüz boğazı yaxınlığında Panama bayrağı altında üzən və 2 milyondan çox barel neft daşıyan "Kiku" tankerini vurub.

Bundan sonra ABŞ hərbi aviasiyası İranın hərbi kəşfiyyat obyektlərinə, rabitə sistemlərinə, hava hücumundan müdafiə mövqelərinə, pilotsuz uçuş aparatlarının saxlanıldığı anbarlara və dəniz minalarının yerləşdirilməsi vasitələrinə zərbələr endirib.

CENTCOM əlavə edib ki, Hörmüz boğazından kommersiya gəmilərinin hərəkəti davam edir və ABŞ qüvvələri zərurət yaranacağı təqdirdə əlavə tədbirlər görməyə hazırdır.

Oxşar xəbərlər

CENTCOM: ABŞ cavab olaraq İranın hərbi obyektlərinə zərbələr endirib

İsrail ordusu İranda PUA anbarlarına və hərbi obyektə yeni zərbələr endirdiyini açıqlayıb

ABŞ İrana zərbələr endirdi

CENTCOM: ABŞ Hörmüz boğazı ətrafında İranın hərbi imkanlarını zəiflədir