Qətər ABŞ ilə razılaşmaya nail olmaq qarşılığında İran İslam Respublikasına 12 milyard dollar təklif etməsi barədə xəbərləri təkzib edib.

"Sizinxeber.az" "İran İnternational"a istinadən xəbər verir ki, bu barədə Qətər Xarici İşlər Nazirliyinin (XİN) mətbuat katibi Məcid Əl-Ənsari bildirib.

Yayılan məlumatlara görə, Doha ABŞ ilə razılaşmaya nail olunacağı təqdirdə, Tehranın 12 milyard dollar məbləğində dondurulmuş aktivlərinin blokdan çıxarılmasını təklif edib. Lakin Qətər XİN-in sözçüsü bu barədə xəbəri təkzib edərək, hımin iddiaları "cari diplomatik fəaliyyəti sabotaj etmək cəhdi" adlandırıb: "Qətərin İrana ABŞ ilə sövdələşmə üçün 12 milyard dollar təklif etməsi barədə xəbərlər həqiqətə uyğun deyil".

O əlavə edib ki, bu narrativlər "regional gərginliyin azaldılması və sabitliyin bərqərar edilməsi üçün davam edən diplomatik səyləri" iflasa uğratmağa çalışan tərəflərin uydurmasıdır.

Xatırladaq ki, İran nümayəndə heyəti ABŞ rəsmiləri ilə razılaşmanı imzalanması məqsədi ilə mayın 25-dən Qətərdə səfərdədirlər.

Oxşar xəbərlər

Tramp: Qətər "Əl-Udeyd" aviabazasına 10 milyard dollar ayıracaq

Pezeşkian: İranla Qətər arasında altı milyard dolların verilməsinə dair yaxşı anlaşma əldə olunub

Tramp İrana dinc nüvə proqramı üçün 30 milyard dollar vermə planları barədə xəbəri təkzib edib

İran mülki obyektləri vurur - Qətər

Əl-Ənsari: Pakistanda ABŞ və İran arasında danışıqların yeni raundunu gözləyirik