ABŞ Prezidenti Donald Tramp İranla müharibənin başa çatmasını ciddi şəkildə istəyir və buna nail olmaq üçün daha çox güzəştə getməyə hazırdır.

Bu barədə “Politico” nəşri yüksək rütbəli bir məndəyə istinadən məlumat yayıb.

Məlumata görə, Trampın İsrail və Livan arasında müvəqqəti atəşkəs elan etməsi Vaşinqtonun son günlərdə mövqeyində dəyişiklik olduğunu göstərir. O, həmçinin İsrailin Baş naziri Benyamin Netanyahu və Livan Prezidenti Josef Aounu Ağ Evdə qəbul etməyi təklif edib.

Bundan əvvəl Tramp İsrailin Livanda “Hizbullah”a qarşı əməliyyatlarını İranla bağlı razılaşmadan ayrı məsələ kimi qiymətləndirsə də, hazırda Netanyahuya bombardmanları dayandırmaq üçün təzyiq göstərməsi İran üçün əsas maneələrdən birini aradan qaldırıb.

Pakistanın paytaxtında keçirilən son danışıqlar nəticəsiz qaldıqdan sonra, daxildə artan qiymətlər və azalan reytinqlər fonunda Trampın Tehranın bəzi tələblərinə daha açıq yanaşa biləcəyi qeyd olunur.

Oxşar xəbərlər

Tramp: İranla müharibə başa çatmaq üzrədir

Tramp İsrail və Livan liderlərini Ağ Evə dəvət edib

Tramp İranla dialoqa açıq olduğunu bildirib

Yaşar Güler: İranla İsrail arasında baş verə biləcək açıq qarşıdurma bütün bölgə üçün böyük təhlükədir

Tramp: Tezliklə İranla bağlı nə isə olacaq