ABŞ prezidenti Donald Tramp Avropa liderləri ilə keçirdiyi videokonfrans zamanı ABŞ-ın, Fransanın, Böyük Britaniyanın və Almaniyanın rəhbərlik etdiyi, “İstəklilər Koalisiyası” tərəfindən hazırlanmış Ukrayna üçün təhlükəsizlik zəmanətlərinin təmin edilməsi üçün əlindən gələni edəcəyinə söz verib.

APA xəbər verir ki, bu barədə Fransanın xarici işlər naziri Jan-Noel Barro öz “X” hesabında yazıb.

“Prezident Tramp bu gün Ukraynaya və onun müttəfiqlərinə açıq şəkildə bildirdi ki, ABŞ Fransanın, Böyük Britaniyanın və Almaniyanın başçılıq etdiyi “İstəklilər Koalisiyası” tərəfindən hazırlanmış təhlükəsizlik zəmanətlərinə öz töhfəsini verəcək”, – Barro bildirib.

Onun sözlərinə görə, Tramp bildirib ki, Rusiya prezidenti Vladimir Putindən Ukraynada qeyd-şərtsiz atəşkəs tələb edəcək. Tramp həmçinin ərazi məsələsinə dair danışıqların yalnız Volodimir Zelenskinin iştirakı ilə aparılacağına da zəmanət verib.

Oxşar xəbərlər

Rubio Fransanın XİN başçısı ilə Ukrayna, Qəzza və İran məsələlərini müzakirə edib

Tramp: Putin və Uitkofun görüşündə böyük irəliləyiş əldə olunub

Makron: Tramp NATO-nun Ukraynanın təhlükəsizlik zəmanətlərinə daxil edilməsinə qarşıdır

Tramp Ağ Evdə Corcia Meloni ilə görüşəcək

Tramp: Mənim kimi Putin də hesab edir ki, İsrail-İran müharibəsi bitməlidir