Dövlət Departamenti: Azərbaycan və Ermənistanla imzalanan sənədlər ABŞ şirkətləri üçün perspektivləri genişləndirir

ABŞ Azərbaycan və Ermənistanla Amerika şirkətləri üçün perspektivləri genişləndirən iqtisadi sazişlər imzalayıb.

APA xəbər verir ki, bunu ABŞ Dövlət Departamentinin sözçüsü Temmi Bryus brifinqdə bildirib.

“İki ölkənin liderləri ABŞ ilə ikitərəfli iqtisadi sazişlər imzalayıblar ki, bu da Cənubi Qafqazın ticarət, tranzit, enerji, infrastruktur və texnologiya sahələrində mühüm potensialını, həmçinin Amerika şirkətləri üçün yeni imkanlar açıb”, - Dövlət Departamentinin rəsmisi vurğulayıb.