Vens: Tramp Çinə qarşı rüsumlarla bağlı hələ qərar verməyib

ABŞ prezidenti Donald Tramp hələlik Rusiyadan neft aldığına görə Çinə əlavə gömrük rüsumlarının tətbiqi ilə bağlı yekun qərar verməyib.

Sizinxeber.az xəbər verir ki, bunu ABŞ-ın vitse-prezidenti Cey Di Vens Fox News telekanalına müsahibəsində deyib.

“Prezident dedi ki, bu barədə düşünür, amma hələ heç bir yekun qərar verməyib. Aydındır ki, Çin məsələsi daha mürəkkəbdir, çünki bizim Çinlə münasibətlərimiz Rusiyayla bağlı vəziyyətə aid olmayan bir çox digər məsələlərə təsir edir. Prezident variantları nəzərdən keçirir”, – Vens deyib.