Prezident Donald Tramp ABŞ-ın UNESCO-ya üzvlüyünü ləğv etməyi planlaşdırır.

Sizinxeber.az xəbər verir ki, bu barədə “New York Post” qəzetinə adı açıqlanmayan Ağ Ev rəsmisi məlumat verib.

Təşkilatın anti-ABŞ və anti-İsrail meylinə görə Trampın belə bir qərar qəbul etdiyi bildirilir.

Qeyd edək ki, Tramp ilk prezidentlik dövründə buna oxşar addımlar atıb.

Onun dövründə ABŞ Ümumdünya Səhiyyə Təşkilatı, BMT İnsan Hüquqları Şurası, iqlim dəyişikliyi ilə bağlı qlobal razılaşmadan və İranın nüvə proqramından çıxıb.

ABŞ UNESCO-ya ilk dəfə 1945-ci ildə üzv olub. 1984-cü ildə maliyyə vəsaitlərinin düzgün xərclənməməsini və Amerikaya qarşı qərəzi əsas gətirərək bu təşkilatı tərk edib, 2003-cü ildə yenidən UNESCO-ya üzv olub.

Qeyd edək ki, UNESCO Birləşmiş Millətlər Təhsil, Elm və Mədəniyyət Təşkilatıdır. Təhsil, mədəniyyət və kommunikasiya sahələrində beynəlxalq əməkdaşlığı təşviq edərək dünyada sülhün möhkəmlənməsinə çalışır.

Oxşar xəbərlər

Emin Əmrullayev UNESCO Baş direktorunun təhsil üzrə köməkçisi ilə görüşüb

Elm və təhsil naziri UNESCO-nun Qlobal Təhsil Görüşündə çıxış edib

Nikaraqua UNESCO-dan çıxmaqla bağlı qərar qəbul edib

Emin Əmrullayev Parisdə UNESCO Baş direktorunun müavini ilə görüşüb