Netanyahu İrana qarşı əməliyyatla bağlı müraciət yaydı

Netanyahu İsrail və ABŞ İran rejiminin yaratdığı təhlükəni aradan qaldırmaq üçün əməliyyata başlayıb.

Sizinxeber.Az xəbər verir ki, bunu İsrail baş naziri Benyamin Netanyahu deyib.

O, həmçinin bildirib ki, İsrail-ABŞ əməliyyatı İran xalqının "öz taleyini öz əlinə alması" üçün şərait yaratmalıdır.

Netanyahu İsrail xalqını qarşıdakı bir neçə gündə dözümlü olmağa çağırıb: "Qardaşlar və bacılar, İsrail vətəndaşları.

Bir müddət əvvəl İsrail və ABŞ İrandakı terrorçu rejimin yaratdığı mövcudluq təhlükəsini aradan qaldırmaq üçün əməliyyata başladılar.

Əziz dostumuz Prezident Donald Trampa tarixi liderliyinə görə təşəkkür edirəm.

47 il ərzində Ayətullah rejimi "İsrailə ölüm", "Amerikaya ölüm" şüarları səsləndirib. O, qanımızı töküb, bir çox amerikalı öldürüb və öz xalqını vəhşicəsinə qırıb.
Bu terrorçu rejimin bütün bəşəriyyəti təhdid etmək qabiliyyətinə malik nüvə silahı ilə silahlanmasına icazə verilməməlidir.

Birgə hərəkətlərimiz cəsarətli İran xalqının öz taleyini öz əlinə alması üçün şərait yaradacaq.

İranın bütün xalqlarının - farsların, kürdlərin, azərbaycanlıların, bəlucların və əhvazilərin - zülm boyunduruğunu atıb azad və sülhsevər bir İran yaratmasının vaxtı gəlib çatıb.

Sizi, İsrail vətəndaşlarını, Cəbhə Komandanlığının təlimatlarına əməl etməyə çağırıram. Yaxın günlərdə, "Aslanın nəriltisi" əməliyyatı zamanı hamımız səbir və daxili dözüm nümayiş etdirməyə çağırılacağıq.

Biz birlikdə dayanacağıq, birlikdə mübarizə aparacağıq və birlikdə İsrailin əbədiliyini təmin edəcəyik."