Şəhərsalma və mənzil siyasətinin "vahid çətir" altında birləşdirilməsi mümkündür.

"Report" xəbər verir ki, bunu Gürcüstanın Məkan və Şəhərsalma İnkişafı Agentliyinin rəhbərinin I müavini Tinatin Kolbaia Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunmuş "Siyasətdən Təsirə: Mənzil Təminatının Miqyasının Artırılması" adlı tədbirdə bildirib.

"Gürcüstan artıq buna hazırdır. Düşünürəm ki, biz həmin çətiri tətbiq edə bilərik. Hətta kiçik addımlar elə indicə atılır, əgər bəzi şəhərsalma və yaxud məkan planlarımız varsa, biz onları prioritet investisiya planları ilə dəstəkləyirik. Həmin planlar həmişə birbaşa mənzil təminatı ilə və mənzil keyfiyyəti, yaşayış keyfiyyəti ilə birbaşa bağlı olmayan əsas infrastrukturla başlayır. Bu prioritet investisiya planları yerli və ya mərkəzi hökumət tərəfindən qəbul edildiyi və bələdiyyə şuraları tərəfindən təsdiqləndiyi andan dərhal icra olunur. Bu, Gürcüstanda mənzil təminatının mənzərəsidir və ümid edirəm ki, sabah daha yaxşı olacaq, ölkəmizdə mənzil siyasəti daha da təkmilləşdiriləcək", - deyə o qeyd edib.

Oxşar xəbərlər

UN-Habitat: Davamlılıq milli mənzil siyasətlərində əsas prioritetə çevrilib

UN-Habitat: Ölkələr milli mənzil siyasətlərini yeniləməlidir

OECD: Dünya mənzil problemi ilə deyil, faktiki olaraq mənzil böhranı ilə üz-üzədir

UN-Habitat: Miqrantlar, nəqliyyat və boş mənzillər milli siyasətlərdə zəif əks olunur

UN-Habitat: Zəif mülkiyyət hüququ həssas qrupları mənzil təminatından kənar edir