Bakıda Azərbaycan Ordusu və Türkiyə Silahlı Qüvvələrinin hərbi qulluqçularının iştirakı ilə “Radioelektron mübarizə bölmələrinin birgə taktiki-xüsusi təlimi” keçirilib.

Müdafiə Nazirliyindən Sizinxeber.az-ya verilən xəbərə görə, mayın 8-də MN rəhbərliyi və digər vəzifəli şəxslər təlimin gedişatını izləyib.

Müdafiə naziri general-polkovnik Zakir Həsənova təlimin mövzusu, mərhələləri və icra olunma ardıcıllığı məruzə edilib.

Bildirilib ki, şəxsi heyətin nəzəri və praktiki vərdişlərinin təkmilləşdirilməsi məqsədilə keçirilən təlimdə iştirakçılar yüksək texnologiyaların tədbiqi ilə müxtəlif qoşun növləri ilə qarşılıqlı əlaqədə müasir döyüş üsullarını məşq edib, qarşıya qoyulan tapşırıqları yüksək keyfiyyətlə icra edərək məqsədlərə nail olublar.

Müdafiə Nazirliyinin rəhbərliyi bölmələrin taktiki-xüsusi fəaliyyətlərini və şəxsi heyətin döyüş hazırlığını yüksək qiymətləndirib.

Oxşar xəbərlər

"Araz-2024" birgə taktiki təlimi başa çatıb

Azərbaycan-Qazaxıstan "Tərlan-2025” PUA təlimi yekunlaşıb

Azərbaycan Hərbi Dəniz Qüvvələri Xəzərdə döyüş atışlı taktiki təlim keçirib - VİDEO

Azərbaycan və Türkiyə hərbçiləri birgə təlimdə növbəti tapşırıqları icra ediblər

Azərbaycan Ordusunda taktiki-xüsusi təlimlər keçirilib - VİDEO