"Ordu"nun baş məşqçisi Alberto Blanko Azərbaycan Basketbol Liqasının müntəzəm mövsümünün sonuncu - XX turunda "Quba"ya qalib gəldikləri oyunu dəyərləndirib.

"Report"un məlumatına görə, mütəxəssis bu barədə klubun mətbuat xidmətinə açıqlama verib.

İspaniyalı mütəxəssis vacib qələbə qazandıqlarını söyləyib:

“Mövsümü yaxşı başa vurmaq və pley-in oyunlarına hazırlaşmaq baxımından vacib qələbə oldu. Əslində matça pis başlamadıq. Ancaq sonradan basketbolçularımız geridönüş edə bildilər. Bunun nəticəsində hesabda 10 xallıq fərq yaratdıq. Fasilədən sonra ribaundlarda daha yaxşı təsir bağışladıq. “Quba” oyunda dönüş yaratmaq istəsə də, buna imkan vermədik. Layiqli qələbə qazandığımıza görə çox sevinirəm”.

Qeyd edək ki, "Quba" - "Ordu" qarşılaşması qonaq komandanın 97:88 hesablı qələbəsi ilə yekunlaşıb.

Oxşar xəbərlər

"Quba"nın baş məşqçisi: "Ordu" ilə matçın əvvəllərində hesabda önə keçsək də, sonradan tempdən düşdük"

"Ordu"nun baş məşqçisi: "Lənkəran"la oyuna dönüş nöqtəsi kimi baxırdıq"

"Quba"nın basketbolçusu: "Müntəzəm mövsümü qələbə ilə başa vurmaq istəyirik"

"Ordu"nun baş məşqçisi: "Oyunçularım həm müdafiədə, həm də hücumda yaxşı təsir bağışladılar"

“Şəki”nin baş məşqçisi qələbə qazandıqları matçı dəyərləndirib