Aydan və Ləman Həmidova bacıları Avropda “gənc referi” kateqoriyasındadır.

Bunu “Report”a açıqlamasında Azərbaycan Həndbol Federasiyasının (AHF) İdman şöbəsinin rəhbəri, Avropa Həndbol Federasiyasının nümayəndəsi İsgəndər Əsgərov deyib.

Mütəxəsis onların perspektivini dəyərləndirib:

“Hazırda Ernest və Emil Ağakişi qardaşlarından əlavə bir cütlüyümüz var. Aydan və Ləman Həmidova bacıları Avropda “gənc referi” kateqoriyasındadır. Birdən-birə yüksək səviyyəli kateqoriya əldə etmək olmaz. Bunun üçün müəyyən mərhələlər keçilməlidir, imtahan verilməlidir”.

O, rayonlardakı məşqçilər üçün keçirilən seminarın nəticələri haqqında təəssüratlarını bölüşüb və çempionata yeni komandaların cəlb ediləcəyini nəzərə çatdırıb:

“Rayon komandalarının məşqçiləri üçün seminar keçirdik. “Kür” komandasının iranlı baş məşqçisi Nasser Salimi həndbolun texnikası və taktikasından danışdı, gənc məşqçilər üçün gözəl izahlar ortaya qoydu. Bundan əlavə, yeni qaydalar və zona yarışları ilə bağlı müzakirələr apardıq. Martdan etibarən bir neçə zona üzrə yarışlar başlayacaq. Rayonlarda üç, Bakıda iki zona üzrə çempionat təşkil ediləcək. Final mərhələsi isə Bakıda baş tutacaq. Sözsüz ki, əlavə komandaların cəlb olunması planlaşdırılır".

Oxşar xəbərlər

AHF rəsmisi Avropa Kubokunun oyununa təyinat alıb

Azərbaycan Həndbol Federasiyası məşqçilər üçün seminar təşkil edib

Həndbol Federasiyasının rəsmisi: Azərbaycan çempionatında komanda sayı artıb, yarışın formatında da yenilik var

Azərbaycanın basketbol məşqçiləri üçün seminar təşkil olunub

Həndbol üzrə Azərbaycan çempionatının başlayacağı tarix bəlli olub