Azərbaycanın çimərlik futbolu millisinin baş məşqçisi Sahib Məmmədov Avropa çempionatının I seçmə mərhələsində qrupda İngiltərə komandasına qarşı keçirdikləri matçı dəyərləndirib.

Mütəxəssis "Sizinxeber.az"a açıqlamasında görüşün çətin keçdiyini söyləyib.

O, səviyyə baxımından daha yaxşı olduqlarını vurğulayıb:

"İngiltərəni 5:4 hesabı ilə məğlub etdik. Oyunun əsas vaxtı 4:4 hesabı ilə bitdi və əlavə vaxtda qələbə qazandıq. Əsas olan da qalib gəlməkdir. İlk oyun həmişə çətin keçir. Mənə elə gəlir ki, səviyyə baxımından biz İngiltərədən daha yaxşıyıq. Uşaqlardan razıyam. Belçikanı da məğlub edib, superfinala vəsiqə qazanmaq istəyirik"

Qeyd edək ki, milli ilk matçda İngiltərəni 5:4 hesabı ilə məğlub edib. Komanda qrupda növbəti oyunlarını mayın 24-də Belçika, 25-də isə Litva yığmalarına qarşı keçirəcək.

Oxşar xəbərlər

Azərbaycanın çimərlik futbolu millisinin baş məşqçisi dünya çempionatının seçmə mərhələsindəki çıxışı dəyərləndirib

Azərbaycanın çimərlik futbolu millisinin baş məşqçisi dünya çempionatında çıxışı dəyərləndirib

Azərbaycan millisinin baş məşqçisi: "Komandalar arasında səviyyə fərqi açıq seçilirdi"

Azərbaycan millisi dünya çempionatının seçmə mərhələsində məğlub olub

Azərbaycan millisinin Rusiya klubuna qarşı Bakıda keçirəcəyi 3 oyunun tarixi müəyyənləşib