"Real"ın futbolçusu 18 ildən sonra klubdan ayrılacaq

İspaniya təmsilçisi "Real"ın (Madrid) müdafiəçisi Lukas Vaskes 18 ildən sonra klubdan ayrılacaq.

"Report" xəbər verir ki, bu barədə məşhur insayder Fabritsio Romano məlumat yayıb.

33 yaşlı oyunçu "Kral klubu"nu yayda keçiriləcək klublararası dünya çempionatından sonra tərk edəcək.

Qeyd edək ki, Lukas Vaskes 18 ildir ki, Madrid təmsilçisinin şərəfini qoruyur. O, bu müddət ərzində meydana çıxdığı 399 oyunda 38 qol vurub, 73 məhsuldar ötürmə edib.