Futbol üzrə Azərbaycan Kubokunda sonuncu finalçı müəyyənləşib.

“Sizinxeber.az” xəbər verir ki, bu yarımfinal mərhələsinin “Sabah”la “Neftçi” arasında baş tutan cavab matçından sonra bəlli olub.

“Bank Respublika Arena”da keçirilən qarşılaşma 1:1 hesabı ilə yekunlaşıb. “Sabah”ın heyətində 23-cü dəqiqədə Cesse Sekidika fərqlənib. “Neftçi”dən isə Emin Mahmudov 40-cı dəqiqədə rəqib qapısına yol tapıb.

Beləliklə, iki oyunun nəticəsinə görə finala vəsiqə qazanan tərəf “Sabah” (2:1, 1:1) olub. Vasili Berezutskinin rəhbərlik etdiyi komanda mövsümün son matçında “Qarabağ”la üz-üzə gələcək.

Qeyd edək ki, Azərbaycan Kubokunun final matçı mayın 31-də Mehdi Hüseynzadə adına Sumqayıt şəhər stadionunda keçiriləcək.

Oxşar xəbərlər

Basketbol üzrə Azərbaycan Kubokunda ilk finalçı bəlli olub

Futbol üzrə Azərbaycan Kubokunda ilk 1/4 finalçı müəyyənləşib

Azərbaycan Kuboku: "Qarabağ" "Araz-Naxçıvan"a qalib gələrək finala yüksəlib

Futbol üzrə Azərbaycan Kubokunda bu gün finalçılar müəyyənləşəcək

"Sabah" Azərbaycan Kubokunda 1/4 finala yüksələn növbəti komanda olub