İspaniyanın "Barselona" klubunun futbolçusu Rafinya UEFA Çempionlar Liqasında (ÇL) həmyerliləri Kaka, Rivaldo, Jardel, Firmino və Neymarın rekordunu yeniləyib.

"Report" "Opta Sports"a istinadən xəbər verir ki, 28 yaşlı vinger buna evdə "Benfika"ya qalib gəldikləri (3:1) 1/8 finalın cavab oyununda dubl etməklə nail olub.

O, braziliyalı oyunçular arasında bir turnirdə vurulan qolların sayına görə rekord müəyyənləşdirib. Rafinya cari mövsüm ÇL-də 11 dəfə rəqib qapılarına yol tapıb.

İndiyədək Kaka (2006/2026), Rivaldo, Jardel (hər ikisi 1999/2000) Roberto Firmino (2017/2018) və Neymar (2014/2015) bir yarışda 10 dəfə fərqlənə biliblər.

Qeyd edək ki, Rafinya cari mövsüm bütün turnirlərdə 41 oyuna çıxıb, 27 qol və 19 məhsuldar ötürmə ilə yadda qalıb.

Oxşar xəbərlər

17 yaşlı futbolçu Neymarın rekordunu qırıb

"Benfika"nın futbolçusu məhsuldar ötürmə sayında Messini geridə qoyub

"Barselona"nın futbolçusu Messinin Çempionlar Liqasındakı nailiyyətini təkrarlayıb

"Barselona"nın futbolçusu Messinin nailiyyətini təkrarlayıb

İspaniya Superkuboku: “Barselona” “Real Madrid”i darmadağın edib