İspaniyanın "Barselona" klubunun futbolçusu Ferran Torres UEFA Çempionlar Liqasında (ÇL) Lionel Messinin nailiyyətini təkrarlayıb.

"Report"un məlumatına görə, 24 yaşlı vinger buna Almaniyada Dortmund "Borussiya"sına qalib gəldikləri görüşdə (3:2) dubl etməklə nail olub.

O, Kataloniya təmsilçisinin tarixində ÇL-də sonradan oyuna girərək iki qol vuran dördüncü oyunçudur. 71-ci dəqiqədə Robert Levandovskini əvəzləyən F.Torres 75 və 85-ci dəqiqələrdə rəqib qapısına yol tapıb.

Qeyd edək ki, daha əvvəl "Barselona"da 2008-ci ildə Lionel Messi ("Şaxtyor"la matçda), 2012-ci ildə Kristian Telyo ("Bayer 04"lə oyunda), 2015-ci ildə isə İvan Rakitiç (BATE ilə görüşdə) bunu bacarıb.

Oxşar xəbərlər

"Barselona"nın futbolçusu Messinin nailiyyətini təkrarlayıb

İsveçli futbolçu Messinin uğurunu təkrarlayıb

"Barselona" antirekordunu təkrarlayıb

Harri Keyn Çempionlar Liqasında bir rekordu qırıb, digərini təkrarlayıb

Almaniya klubunun futbolçusu Çempionlar Liqasının tarixinə düşüb