Portuqaliyanın "Benfika" klubunun futbolçusu Anxel Di Mariya UEFA Çempionlar Liqasında (ÇL) məhsuldar ötürmə sayında Lionel Messini geridə qoyub.

"Sizinxeber.az"un məlumatına görə, 36 yaşlı yarımmüdafiəçi buna səfərdə Fransa təmsilçisi "Monako"ya qalib gəldikləri matçda (3:2) nail olub.

Argentinalı oyunçu sözügedən qarşılaşmada iki assistlə yadda qalıb. O, qitənin bir nömrəli klub turnirindəki məhsuldar ötürmələrinin sayını 41-ə çatdırıb.

Beləliklə, Di Mariya həmyerlisi Lionel Messini (40) qabaqlayıb. Hazırda ÇL-də rekordçu Kriştianu Ronaldudur - 42 assist.

Qeyd edək ki, Anxel Di Mariya cari mövsüm bütün yarışlarda meydana çıxdığı 16 görüşdə 8 qol və 5 məhsuldar ötürmə ilə yadda qalıb.

Oxşar xəbərlər

Erlinq Holann qol sayında Didye Droqbaya çatıb

Məhəmməd Salah Anrinin Premyer Liqadakı nailiyyətini geridə qoyub

Messi MLS-in tarixinə düşüb

"Barselona"nın futbolçusu Messinin nailiyyətini təkrarlayıb

17 yaşlı futbolçu Neymarın rekordunu qırıb