“Qarabağ” Misli Premyer Liqasının 2024/2025 mövsümündə ilk dəfə bir oyunda 3 top buraxıb.

"Sizinxeber.az" Peşəkar Futbol Liqasının mətbuat xidmətinə istinadən xəbər verir ki, Ağdam klubu XXI turda səfərdə “Zirə”yə 2:3 hesabı ilə uduzub.

Fasiləyə 2:0 hesabı ilə öndə yollanan Qurban Qurbanovun komandası ikinci hissədə qapısında 3 qol görüb.

“Qarabağ” sonuncu dəfə ötən mövsüm “Turan Tovuz”la görüşdə 3 qol buraxmışdı. Mayın 17-də keçirilən ev qarşılaşmasında ağdamlılar 4:3 hesabı ilə qalib gəlib. 261 gün əvvəl də “Qarabağ” bir hissədə 3 top buraxıb.

Ötən tur “Turan Tovuz”a 1:2 hesabı ilə uduzan Ağdam təmsilçisi ardıcıl 2 məğlubiyyət alıb. Bu, son 7 mövsümdə ilk belə hadisədir. 2017/2018 mövsümünün sonunda “Qarabağ” “Neftçi”yə 0:1, indi “Şamaxı” adlanan “Keşlə”yə 0:3 hesabı ilə uduzub.

Oxşar xəbərlər

"Turan Tovuz" tarixində ilk dəfə Premyer Liqa matçında 4-dən çox top buraxıb

"Qarabağ" çempionatda "Turan Tovuz"a uduzub

"Turan Tovuz" Premyer Liqa tarixində ilk dəfə səfərdə 4 qol vurub

“Neftçi” cari mövsümdə səfərdə qələbə qazanmayıb

"Qarabağ" ilin sonuncu oyununda qələbə qazanıb