Futbol üzrə İngiltərə çempionatının XXI turunun matçında "Arsenal" "Tottenhem"i 2:1 hesabı ilə məğlub edib.

"Sizinxeber.az"un məlumatına görə, görüş "Emireyts" stadionunda baş tutub.

Qarşılaşmanın 40-cı dəqiqəsində "Tottenhem"in hücumçusu Dominik Solanke topu öz qapısına vurub, 44-cü dəqiqədə isə "Arsenal"ın heyətində Leandro Trossard fərqlənib. "Tottenhem"in yeganə qoluna Son Xın Min imza atıb.

“Arsenal” və “Tottenhem”in matçları Şimali London derbisi kimi tanınır. Komandaların ilk görüşü 1887-ci ildə baş tutub.

"Tottenhem" İngiltərə Premyer Liqasında ardıcıl 6 matçdır "Arsenal"ı məğlub edə bilmir.

Hazırda "Arsenal"ın 43 xalı var və turnir cədvəlində ikincidir. Çempionatın lideri 20 oyundan sonra 47 xal toplayan "Liverpul"dur. “Tottenhem” ardıcıl beş oyundur (dörd məğlubiyyət, bir heç-heçə) qalib gələ bilmir və 24 xalla 13-cü yerdədir.

Oxşar xəbərlər

İngiltərə çempionatı: "Arsenal" "Liverpul"la heç-heçə edib

"Tottenhem" "Mançester Siti"ni darmadağın edib, "Arsenal" və "Çelsi" qələbə qazanıb

İngiltərə Liqa Kuboku: "Nyukasl" ilk yarımfinal oyununda "Arsenal"ı məğlub edib