Qapıçımız penalti zərbələrinə hazır idi, oyunçularımız yox.

"Sizinxeber.az" xəbər verir ki, bunu "Sabah"ın baş məşqçisi Vasili Berezutski "Turan Tovuz"a qarşı Azərbaycan Kubokunun 1/8 final mərhələsinin oyunundan sonra baş tutan mətbuat konfransında deyib.

Rusiyalı mütəxəssis qələbəyə görə futbolçularına təşəkkür edib:

"Futbolçularıma təşəkkür edirəm. Onlar xarakter göstərdilər. Oyun bizim üçün çox çətin alındı. Uşaqlar özlərində güc tapdılar və qələbə qazandıq. Mərhələ adlamağın bizim üçün önəmi böyükdür. "Turan Tovuz"un müdafiəçisi Denis Marandiçiyə şəfa diləyirəm. İnanıram ki, tez bir zamanda sağalacaq. Penaltilər seriyası lotoreyadır. Burada kim stressə daha dözümlü olursa, o qalib gəlir".

Qeyd edək ki, "Turan Tovuz" - "Sabah" oyununun əsas və əlavə vaxtı 2:2 hesabı ilə başa çatıb. Penaltilər seriyasında daha dəqiq oynayan (3:1) paytaxt klubu 1/4 finala yüksəlib.

Oxşar xəbərlər

Vasili Berezutski: "Qapıçılarımız penalti zərbələrinə hazır idilər, oyunçularımız yox"

Ayağı bir neçə yerdən sınan "Turan Tovuz"un futbolçusu mövsümü erkən başa vura bilər

Kurban Berdıyev: "Denis Marandiçinin ağır zədələnməsi bizim üçün böyük itki oldu"

Vasili Berezutski Azərbaycan çempionatı tarixində 65-ci legioner baş məşqçi olub

Vasili Berezutski: "Qarşıdakı turlarda daha məzmunlu oyunlar göstərəcəyik"