İran və ABŞ sentyabrın 22-də BMT Baş Assambleyası çərçivəsində Qətərin vasitəçiliyi ilə mesaj mübadiləsi aparıblar.
Oxu.Az TASS-a istinadən xəbər verir ki, bu barədə İran Xarici İşlər Nazirliyinin nümayəndəsi İsmayıl Bəqai məlumat verib.
Mesaj mübadiləsi təxminən iki saat davam edib.
Bəqainin sözlərinə görə, proses zamanı ABŞ tərəfinə diplomatik prosesin bərpası üçün İranın mövqeyi və şərtləri çatdırılıb.
Bəqai bildirib ki, İranın şərtlərinə ABŞ tərəfindən dəniz və iqtisadi blokadanın dayandırılması, bütün cəbhələrdə müharibələrin başa çatdırılması, İranın dondurulmuş aktivlərinin blokdan çıxarılması, həmçinin Maskat və Tehran arasında razılaşdırılmış Hörmüz boğazındakı gəmiçilik marşrutunun tanınması daxildir.
