"Bazel"ə qarşı hər iki oyun komandamız üçün böyük təcrübə oldu.

Bunu "Report"a açıqlamasında "Sabah"ın idman direktoru İqor Ponomaryov klubun U-19 komandasının UEFA Gənclər Liqasının II təsnifat mərhələsində İsveçrə təmsilçisi "Bazel"ə qarşı keçirdiyi matçları dəyərləndirərkən deyib.

64 yaşlı mütəxəssis cavab görüşünün ilk hissəsində komandanın rəqibdən bir qədər çəkindiyini düşünür:

"Sabah" - "Bazel" matçını stadiondan izlədim. Onu deyim ki, birinci və ikinci oyun bir-birindən çox fərqlənirdi. Fikrimcə, ilk görüşdə buraxılan erkən qol komandanı bir qədər ruhdan saldı və bu da sonrakı dəqiqələrdə futbolçulara psixoloji cəhətdən mənfi təsir göstərdi. Cavab oyununun ilk hissəsində rəqibin üstünlüyü var idi. Bir neçə qol imkanları yaratdılar. Bizim də şanslarımız oldu. Komandamız ilk hissədə sanki rəqibdən bir qədər çəkinirdi. İkinci hissədə isə daha yaxşı çıxış etməyə başladılar. Qol vəziyyətləri yaratdılar və artıq rəqib əks-hücumlara üstünlük verməyə məcbur oldu. Fasilədən sonrakı çıxış göstərdi ki, oynaya bilərik. Düzdür, ikinci hissədə rəqib daha bir qol vurdu. Bu qolda qapıçı ilə müdafiəçi arasındakı anlaşılmazlıq rol oynadı. Standart vəziyyətdən fərqlənsək də, qol fürsətlərimiz oldu. Lakin təəssüf ki, istifadə edə bilmədik".

Azərbaycan millisinin sabiq baş məşqçisi növbəti mövsümdə yarışda iştirak şansı qazanacaqları təqdirdə komandanın daha inamlı olacağına ümid edir:

"Hər iki oyun komandamız üçün böyük təcrübə oldu. Növbəti mövsümdə də bu yarışda iştirak etmək şansı qazansaq, uşaqlar daha təcrübəli, psixoloji cəhətdən hazırlıqlı və inamlı olacaqlar. Bu müddətdə özlərini bir az da inkişaf etdirərək, başqalarından zəif olmadıqlarını göstərəcəklər. Ona görə də dayanmaq olmaz, daim çalışmaq və irəli baxmaq lazımdır".

Qeyd edək ki, UEFA Gənclər Liqasında "Bazel"lə ilk matçda qapısından 6 cavabsız qol buraxan "Sabah" ikinci oyunda 1:2 hesabı ilə məğlub olub.

Oxşar xəbərlər

"Sabah"ın U-19 komandasının baş məşqçisi: "Bazel"lə oyun gənc futbolçular üçün təcrübədir" [xfgiven_updateblue][/xfgiven_updateblue]

"Sabah"ın baş məşqçisi: "Bazel"lə oyunlardan çox dərs aldıq" [xfgiven_updateblue][/xfgiven_updateblue]

"Sabah" UEFA Gənclər Liqasında cavab matçına çıxacaq [xfgiven_updateblue][/xfgiven_updateblue]

"Sabah"ın baş məşqçisi: "Bazel"lə keçirilən oyunlardan çox dərs aldıq" [xfgiven_updateblue][/xfgiven_updateblue]

"Sabah" UEFA Gənclər Liqasında mübarizəni dayandırıb [xfgiven_updateblue][/xfgiven_updateblue]