Avstriyada təlim-məşq toplanışında olan "Qarabağ" klubu növbəti yoxlama oyununda qalib gəlib.

"Sizinxeber.az"un məlumatına görə, Qurban Qurbanovun baş məşqçisi olduğu kollektiv Niderland təmsilçisi "Tvente"ni məğlub edib.

Qarşılaşma Ağdam təmsilçisinin 3:2 hesablı qələbəsi ilə bitib.

"Köhlən atlar" bu gün eyni komanda ilə daha bir oyun keçirəcək. Həmin görüş saat 19:15-də başlayacaq.

Azərbaycan çempionu Avstriyadakı ilk qarşılaşmada Ukraynanın "Metallist" (Xarkov) kollektivinə uduzub - 4:5. "Köhlən atlar" Bakıdakı yoxlama matçında isə "Zirə"ni 4 cavabsız qolla üstələyib.

Qeyd edək ki, "Qarabağ" UEFA Çempionlar Liqasının II təsnifat mərhələsində "Şelburn" (İrlandiya) - "Linfild" (Şimali İrlandiya) cütünün qalibi ilə qarşılaşacaq. Bu raundun ilk görüşü iyulun 22-23-də, cavab qarşılaşması 29-30-da baş tutacaq.

Oxşar xəbərlər

“Qarabağ” Avstriyada ilk yoxlama oyununda məğlub olub

"Qarabağ" Avstriyada bu gün ilk yoxlama matçına çıxacaq

"Qarabağ" yoxlama görüşündə "Zirə"yə qalib gəlib

"Qarabağ" bu gün yoxlama oyununda "Zirə" ilə üz-üzə gələcək

“Qarabağ”ın ÇL-dəki potensial rəqibləri Dublində qarşılaşıb