Azərbaycanın bütün yaş qruplarından olan qadın cüdoçuları Avstriyanın Qrats şəhərində beynəlxalq təlim-məşq toplanışında iştirak ediblər.

Bu barədə "Sizinxeber.az"a Cüdo Federasiyasının mətbuat xidmətindən məlumat verilib.

Toplanışa qadınlardan ibarət yığmanın baş məşqçisi Amina Abdellatif, böyük məşqçi Saşa Herkenrat-Vimar, yeniyetmə qızlardan ibarət milli komandanın baş məşqçisi Elnur İsmayılov və məşqçi Əmrah Əhmədov rəhbərlik ediblər. Təlim-məşq düşərgəsi qarşıdakı beynəlxalq yarışlara hazırlıq məqsədi daşıyıb.

Avropa Cüdo Birliyinin təşkilatçılığı ilə keçirilmiş təlim düşərgəsi iyunun 2-dən 4-nə qədər baş tutub.

Qeyd edək ki, Macarıstanın paytaxtı Budapeştdə təşkil olunacaq böyüklər arasında dünya çempionatında mübarizə aparacaq qadın cüdoçular hazırlığın növbətini mərhələsini Bakıda, gənc və yeniyetmə qızlar isə Avstriyanın Leybnits şəhərində davam etdirəcək.

Oxşar xəbərlər

Azərbaycan cüdoçuları İspaniyada təlim-məşq toplanışında iştirak edib

Quba Olimpiya İdman Kompleksində cüdoçuların beynəlxalq təlim-məşq toplanışı davam edir

Azərbaycanın 30 cüdoçusu Yaponiyada təlim-məşq toplanışında iştirak edir

Azərbaycan cüdoçuları İspaniyada təlim-məşq toplanışına qatılıblar

İstanbuldakı Avropa Kubokunda Azərbaycanın 38 cüdoçusu mübarizə aparacaq