Rusiya millisinin heyətində dünya çempionu olmuş güləşçi, 2021-ci ildən Serbiya yığmasında çıxış edən Xetaq Tsabolov 6 il müddətinə diskvalifikasiya edilib.

“Report”un TASS-a istinadən məlumatına görə, buna idmançının antidopinq qaydalarını pozması səbəb olub.

Güləşçi Ümumdünya Antidopinq Məcəlləsinin 2.5-ci maddəsinə əsasən dopinq-testdən yayınma, imtina və ya gəlməmə səbəbi ilə idmandan kənarlaşdırılıb.

Qeyd edək ki, X.Tsabolov Rusiya yığmasının heyətində 2014-cü ildə dünya çempionu adını qazanıb. O, həmçinin 2017-ci ildə dünya çempionatının gümüş medalını qazanıb. Güləşçi Serbiya yığmasının heyətində 2023-cü ildə Avropa çempionatının bürünc mükafatçısı olub.

Oxşar xəbərlər

ABŞ idmançısı 16 ay müddətinə diskvalifikasiya edilib

Üçqat olimpiya və yeddiqat dünya çempionu olmuş güləşçi vəfat edib

Ukraynalı olimpiya çempionu diskvalifikasiya edilib

İsrail idmançısı iki il müddətinə diskvalifikasiya edilib

Rusiya çempionu dopinqə görə cəzalandırılıb