Azərbaycan Alpinizm Federasiyasının təşkilatçılığı ilə keçirilən yeniyetmə və gənclər arasında idman dırmanması üzrə ölkə kuboku başa çatıb.

"Report" xəbər verir ki, çətinlik növü üzrə gerçəkləşən turnirdə müxtəlif yaş qrupundan ibarət idmançılar fərqli kateqoriyalarda mübarizə aparıblar.

Yeniyetmələr kateqoriyasında Rəsul Nəsir və Sofiya Boriskina qalib olublar. Murad İbrahimli ilə Həvva Yambulatova ikinci, Nərgiz Əsədova ilə Anatoli Meniailov isə üçüncü yeri tutublar.

Gənclərin yarışında Nazim Yusifzadə və Aliyə İbrahimbəyova fəxri kürsünün ən yüksək pilləsinə qalxıblar. Fərhad Babayev, Səlimə Əliyeva ikinci, Cavid Yusubzadə və Xədicə Yambulatova isə üçüncü nəticə göstəriblər.

Yarışın sonunda qaliblər diplom və medallarla mükafatlandırılıblar.

Qeyd edək ki, Azərbaycan Kubokunun keçirilməsində məqsəd gənc idmançıların idman dırmanması sahəsində bacarıqlarının inkişaf etdirilməsi və bu sahəyə maraqlarının artırılmasıdır.

Oxşar xəbərlər

Yeniyetmə və gənclər arasında idman dırmanmasının boulderinq növü üzrə turnir başa çatıb

FHN əməkdaşları idman dırmanması yarışında yüksək nəticələr qazanıb

Qılıncoynatma üzrə Azərbaycan birinciliyi başa çatıb

İdman gimnastikası üzrə Azərbaycan çempionatı başa çatıb

Cüdo üzrə yeniyetmə qızlar arasında ACF Kuboku keçiriləcək