2022-ci ildə frontotemporal demensiya (FTD) diaqnozu qoyulan dünya şöhrətli aktyor Brüs Uillisin həyat yoldaşı Emma Heminq Uillis aktyorun vəfatından sonra beyninin klinik tədqiqatlar üçün bağışlanacağını açıqlayıb.

Qaynarinfo xəbər verir ki, Hollivud filmləri və xüsusilə "Die Hard” ("Zor ölüm”) film seriyası ilə qlobal miqyasda tanınan Brüs Uillis uzun müddətdir demensiya xəstəliyi ilə mübarizə aparır.

Aktyorun həyat yoldaşı Emma Heminq Uillis bildirib ki, 2022-ci ildə frontotemporal demensiya diaqnozu qoyulan Brüs Uillisin beyninin elmi araşdırmalarda istifadə olunması məqsədilə bağışlanmasına qərar verilib.

Emma Heminq Uillis mövzu ilə bağlı açıqlamasında deyib: "Brüs Uillisin beynini vəfatından sonra beyin araşdırmaları üçün bağışlayacağam. Bu, çox çətin bir qərardır, lakin frontotemporal demensiyanın elmi baxımdan daha yaxşı anlaşılması üçün bunun vacib olduğunu düşünürəm”.

Frontotemporal demensiya beyin hüceyrələrinin zamanla degenerasiyaya uğramasına səbəb olan, şəxsiyyət dəyişiklikləri, obsesiv davranışlar və nitq pozuntuları ilə müşayiət edilən nevroloji xəstəlik kimi tanınır. Üç il əvvəl bu diaqnoz qoyulan "Emmi” və "Qızıl Qlobus” mükafatlı aktyorun hazırda 24 saatlıq peşəkar tibbi nəzarət altında olduğu bildirilir.

Məlumata görə, aktyor bəzən keçmişdə peşəkar aktyor fəaliyyəti ilə məşğul olduğunu belə xatırlamır.

Oxşar xəbərlər

KİV: Bryus Uillis nitqini və hərəkət qabiliyyətini itirib

Demensiyadan əziyyət çəkən Bryus Uillisin vəziyyəti açıqlandı

Demensiya inkişafının əsas risk amilləri açıqlanıb

Evində ölü tapılan "Oskar"lı aktyor və həyat yoldaşının ölüm səbəbi bilinib

TƏBİB beyninə qan sızan aktyorun son durumunu açıqlayıb