Azərbaycan gənclərdən ibarət cüdo millisi Polşanın Poznan şəhərində keçiriləcək Avropa Kubokunda iştirak edəcək.

"Report" xəbər verir ki, Avropa Cüdo Birliyinin təşkilatçılığı ilə baş tutacaq turnirə 23 ölkədən 438 idmançı qatılacaq.

Yığma yarışda 7 çəki dərəcəsində 12 cüdoçu ilə təmsil olunacaq.

Cüdoçulara gənclərdən ibarət yığmanın baş məşqçisi Rüstəm Alimli və məşqçi Elxan Rəcəbli rəhbərlik edəcək.

Nihad Məmişov, Fərid Qarayev (hər ikisi 60 kq), Məhəmməd Musayev (66 kq), Mehdi Cəfərov, Əbil Yusubov (hər ikisi 73 kq), Cəsur İbadlı, Süleyman Şükürov (hər ikisi 81 kq), Əli Qazıməmmədov, Tuncay Şamil (hər ikisi 90 kq), Davud Namazlı (100 kq), Ramazan Əhmədov və Eldar Əliyev (hər ikisi +100 kq) ümidləri doğrultmağa çalışacaqlar.

Qeyd edək ki, yarış aprelin 5-6-da baş tutacaq.

Oxşar xəbərlər

Azərbaycan cüdoçuları Xorvatiyada Avropa Kubokunda iştirak edəcəklər

Avropa çempionatında iştirak edəcək Azərbaycanın gənc cüdoçuları bəlli olub

Azərbaycan cüdoçuları Açıq Avropa turnirində iştirak edəcəklər

Gimnaziadada iştirak edəcək Azərbaycan cüdoçuları bəlli olub

Azərbaycanın yeniyetmə qız cüdoçuları Avropa Kubokunda iştirak edəcəklər