Hakimlər qızıl medal qazanmağımıza mane oldular.

Bunu “Report”a açıqlamasında Azərbaycanın kişi boksçulardan ibarət millisinin böyük məşqçisi Nəriman Abdullayev Bolqarıstanda keçirilən "Strandja" turnirinin nəticələrini dəyərləndirərkən deyib.

Mütəxəssis yarışda qızıl medal qazana bilməmələrinə görə hakimləri günahlandırıb:

“Strandja” hər il Bolqarıstanda keçirilir və çox güclü turnirdir. Hətta kiçik dünya çempionatı sayılır. Yarışda 16 boksçu ilə iştirak etdik. Boksçularımız göstərdilər ki, doğrudan da bu yarışda medallar qazana bilərlər. Hakimlər qızıl medal qazanmağımıza mane oldular. Heç olmasa, iki boksçumuzdan birinə qızıl medal verməli idilər. Buna baxmayaraq, 2 gümüş və 2 bürünc medal qazandıq. Qazaxıstan, Özbəkistan, İrlandiya, İngiltərə və Gürcüstan boksçularına qalib gəlmişik. Nəticələrimiz demək olar yaxşıdır. Çoxdandır belə uğurlar olmurdu”.

N.Abdullayev qarşıdakı planlardan danışıb:

“Bolqarıstandan qayıtıqdan sonra əsas yığma yenidən fiziki hazırlığa başlayıb. Bakıda bizi “İpək yolu” beynəlxalq turniri gözləyir. Daha sonra dünya çempionatına hazırlaşacağıq”.

Qeyd edək ki, Azərbaycan boksçuları Bolqarıstanın paytaxtı Sofiyada keçirilən beynəlxalq “Strandja” turnirini 2 gümüş və 2 bürünc medalla başa vurublar.

Oxşar xəbərlər

Azərbaycan gimnastları Britaniyada yarışda 1 qızıl, 1 bürünc medal qazanıblar

Azərbaycan gimnastları beynəlxalq turnirdə 1 qızıl, 1 bürünc medal qazanıblar

Paris-2024: Azərbaycan medal sıralamasında 23-cü sırada yer alıb

Azərbaycan güləşçiləri Albaniyada dünya çempionatında 2 qızıl, 3 gümüş və 3 bürünc medal qazanıblar

Azərbaycan güləşçiləri dünya çempionatında 2 qızıl, 3 gümüş, 3 bürünc medal qazanıblar