Azərbaycanın gənc taekvondoçuları təlim-məşq toplanışına başlayıblar

Azərbaycanın gənclərdən ibarət taekvondo millisi ilin ilk təlim-məşq toplanışına başlayıb.

Bu barədə "Sizinxeber.az"a Azərbaycan Taekvondo Federasiyasının mətbuat xidmətindən məlumat verilib.

Hazırlıq prosesi Bakıda təşkil olunur.

Gənclərdən ibarət millinin baş məşqçisi Rəşad Məmmədov, yığmanın məşqçiləri Ayxan Tağızadə və Fəridə Əzizovanın rəhbərliyi altında keçirilən məşqlərdə əsas diqqət taktiki-texniki hazırlığa yönəlib.