Beynəlxalq Boks Assosiasiyasının (IBA) Texniki Komitəsinin sabiq sədri Raymond Silvas Azərbaycana səfərə gəlib.

Azərbaycan Boks Federasiyasının mətbuat xidmətindən "Report"a verilən məlumata görə, ABŞ-dən olan mütəxəssis səfər çərçivəsində ölkə çempionatına qatılacaq komandaların məşqçiləri və döyüşləri idarə edəcək hakimlərə seminar keçib.

Seminarda yarışa hazırlıq məsələləri, qaydalar və mübahisələrə səbəb olan qərarlar müzakirə edilib, lazımi təlimatlar verilib.

Təlimdə Azərbaycan Boks Federasiyasının baş katibi Nağı Səfərov da iştirak edib.

Qeyd edək ki, Raymond Silvas dekabrın 15-20-si aralığında kişi və qadın boksçular arasında keçiriləcək Azərbaycan çempionatının supervayzeri olacaq.

Oxşar xəbərlər

Azərbaycan Gimnastika Federasiyasının texniki direktoru seminar keçəcək

Beynəlxalq Gimnastika Federasiyasının rəsmisi Azərbaycana gələcək

AMADA qadın boksçular üçün seminar təşkil edib

Bakıda boks üzrə Çempionlar Gecəsi təşkil olunacaq

Azərbaycan boks millisinin yeni baş məşqçisi müəyyənləşib