Azərbaycanın kişi boksçulardan ibarət millisinin yeni baş məşqçisi müəyyənləşib.

Boks Federasiyasından "Report"a verilən məlumata görə, yığma ötən ildən qurumda texniki direktor kimi çalışan özbəkistanlı Ravşan Xocayevə tapşırılıb.

44 yaşlı mütəxəssis Özbəkistanın boks üzrə idman ustasıdır. O, məşqçilik fəaliyyətinə 1998-ci ildə başlayıb. Karyerası ərzində Özbəkistan, Asiya, dünya və Olimpiya çempionları yetişdirib.

2016-2023-cü illərdə Özbəkistan Boks Federasiyasının Məşqçilər Şurasında çalışıb. Beynəlxalq Boks Assosiasiyasının 3 ulduz kateqoriyalı məşqçisi olan Xocayev həmçinin Özbəkistanın əməkdar məşqçisidir. “Dostluq ordeni” ilə təltif edilib. 2016-cı ildə beynəlxalq premiyanın laureatı olub. Nəzəriyyə, metodika və idman üzrə professor elmi dərəcəsinə malikdir.

Qeyd edək ki, R.Xocayev bu postda müqavilə müddəti başa çatan kubalı Pedro Rokeni əvəzləyib.

Oxşar xəbərlər

Azərbaycanın boks millisinin yeni baş məşqçisi müəyyənləşib

Qırğızıstanlı beynəlxalq dərəcəli boks hakimi atışma zamanı həlak olub

Alvares boks üzrə üç dünya çempionu titulunu qoruyub

Gender testindən keçə bilməyən Lin Yutin boks üzrə olimpiya çempionu olub