Olimpiadadan sonra üzərimdəki gərginlik azaldı və artıq digər turnirlərdə rahat çıxış etmək olur.

Bunu "Report"a açıqlamasında Azərbaycan atleti Anna Skidan deyib.

Polşanın Xojuv şəhərində Brilyant Liqa çərçivəsində reallaşan Kamila Skolimovska Memorialında çəkicatma üzrə uğurlu çıxış edərək ikinci yeri tutan idmançı yarışın yüksək səviyyədə keçdiyini bildirib:

"Mənə dəstək olan və təbrik edən hər kəsə təşəkkürümü bildirirəm. Yarış mənim üçün uğurlu alındı. Turnir dolu tribunalar önündə keçirilirdi. Tamaşaçı sayı çox olanda insanda gözəl emosiyalar yaranır. Parisdə keçirilən Yay Olimpiya Oyunlarından sonra özümə dincəlmək üçün bir həftə vaxt vermişdim. Daha sonra Bakıda, Kiyevdə məşqlərə başladım və Memorialda iştirak üçün Polşaya yollandım. Olimpiadadan sonra üzərimdəki gərginlik azaldı və artıq digər turnirlərdə rahat çıxış etmək olur".

Qeyd edək ki, Anna Skidan Kamila Skolimovska Memorialında 71.82 metr nəticə ilə ikinci yeri tutub.

Oxşar xəbərlər

Azərbaycan atleti Polşada keçirilən beynəlxalq turnirdə ikinci yeri tutub

Azərbaycan millisinin basketbolçusu: Olimpiadadan sonra yarışa hazırlaşmaq çətin idi

Azərbaycan güləşçisi: Şükürlər olsun ki, olimpiadadan əliboş qayıtmadım