Venesuelalı velosipedçi Daniela Larreal faciəvi şəkildə həyatını itirib.

“Report” “Mirror”a istinadən xəbər verir ki, polis əməkdaşları 50 yaşlı idmançının cəsədini ötən cümə günü Las-Veqasdakı mənzilində tapıblar.

İlkin məlumatlara görə, D.Larreal yemək zamanı boğulma nəticəsində ölüb. Onun avqustun 11-də öldüyü güman edilir. Ölümdən sonra nəfəs borusunda bərk qida qalıqları tapılıb. Lakin ölümün səbəbi hələlik polis tərəfindən rəsmən təsdiqlənməyib.

Larreal Venesuelanın ən məşhur idmançılarından biri idi. O, beş olimpiadada (Barselona-1992, Atlanta-1996, Sidney-2000, Afina-2004, London-2012) iştirak edib, bunların dördündə trek velosipedi üzrə çempion olub. 1990-2012-ci illərdə Venesuelada velosiped idmanının aparıcı siması olub.

Oxşar xəbərlər

Bakıda polis silahla ehtiyatsız davranması nəticəsində həyatını itirib

Xaçmazda polis kapitanı qəfil vəfat edib

Füzulidə DİN-in üç əməkdaşı yol qəzasında həyatını itirib

Banqladeşdə iğtişaşlar davam edir: Bir gündə 109 nəfər həyatını itirdi

İspaniyalı motosikletçi faciəvi şəkildə dünyasını dəyişib