Norris "Formula-1" üzrə Braziliya Qran-prisinin sprint yarışında qalib gəlib

“McLaren” komandasının britaniyalı pilotu Lando Norris “Formula 1” üzrə Braziliya Qran-prisinin sprint yarışında qalib gəlib.

“Report” xəbər verir ki, yarışlar San-Paulu şəhərində keçirilir.

Dünya çempionatının 19-cu mərhələsində ikinci yeri digər "McLaren" pilotu, avstraliyalı Oskar Piastri tutub. İlk "üçlüy"ü isə "Red Bull" komandasında çıxış edən niderlandlı Maks Ferstappen tamamlayıb.

Sprint yarışının qalibi dünya çempionatının ümumi hesabında səkkiz xal qazanır.

Bu gün təsnifat mərhələsi, sabah isə əsas yarış keçiriləcək.