Lamin Yamal bir neçə həftə komandasına kömək edə bilməyəcək

"Barselona" komandasının ulduz futbolçusu Lamin Yamal 2-3 həftə yaşıl meydanlardan kənarda qalacaq.

Sizinxəbər.Az bildirir ki, bu barədə Kataloniya təmsilçisi "X" sosial şəbəkə hesabında məlumat verib.

Məlumata görə, Yamalın qasıq nahiyəsində yenidən ağrılar başlaması səbəbindən o, ölkə çempionatında "Sevilya"ya qarşı oyunu buraxacaq.

Qeyd edilir ki, vingerdə sözügedən ağrılar UEFA Çempionlar Liqasının Liqa mərhələsinin II turu çərçivəsində evdə PSJ ilə matçda (1:2) başlayıb.