Kiberdələduzluq halları ilə bağlı çağırış

DİN vətəndaşlara kiberdələduzluq halları ilə bağlı növbəti çağırış edib.

Nazirlikdən Sizinxeber.az-ya verilən məlumata görə, müraciətdə deyilir:

Naməlum nömrələrdən gələn zənglər və mesajlar

"Naməlum nömrələrdən gələn zənglər və mesajlar vasitəsilə vətəndaşların şəxsi və maliyyə məlumatlarının ələ keçirilməsi cəhdlərinin qarşısının alınması məqsədilə Daxili İşlər Nazirliyi əhalini diqqətli olmağa çağırır.

İyunun 9-da vətəndaşların bank hesablarından kiberyolla pul vəsaitlərinin oğurlanması ilə bağlı polis orqanlarına hər hansı müraciət daxil olmayıb.

Vətəndaşlara bir daha xatırladılır ki:

— Bank kartlarının CVV/CVC kodu, istifadə müddəti, və SMS-lə göndərilən OTP şifrələri (birdəfəlik şifrələr) mütləq şəkildə məxfi saxlanmalıdır.

— Bu məlumatların üçüncü şəxslərlə paylaşılması nəticəsində bank hesablarından pul oğurluğu, vətəndaşın adından kredit və digər maliyyə əməliyyatlarının həyata keçirilməsi mümkündür".

DİN-in vətəndaşlara tövsiyəsi

DİN vətəndaşlara tövsiyə edir ki, naməlum nömrələrdən gələn zəng və mesajlara cavab verməsinlər: "Heç bir halda şəxsi və maliyyə məlumatlarınızı paylaşmayın, şübhəli ünsiyyət halında əlaqəni dərhal kəssin və nömrəni bloklayın".

Qeyd edilib ki, bu cür hallarla üzləşən şəxslər dərhal polis orqanlarına və banklara müraciət etməlidirlər.

Oxşar xəbərlər

DİN: Ötən gün bank kartlarından oğurluq qeydə alınmayıb

Dünən bank kartlarından 10 min manatdan çox pul oğurlanıb

DİN kibertalama halları ilə bağlı vətəndaşlara çağırış edib - VİDEO

Ötən gün vətəndaşların bank kartlarından 10 min manatdan çox pul kiberüsulla oğurlanıb