Qətər əmiri Şeyx Təmim bin Həməd Ali Sani Dohada ABŞ-İran danışıqlarının gedişatını və Livanda atəşkəs rejiminin möhkəmləndirilməsi səylərini müzakirə etmək üçün ABŞ prezidentinin xüsusi elçiləri Stiv Uitkoff və Cared Kuşneri qəbul edib.

"Report" xəbər verir ki, bu barədə "The National" nəşri əmirlik hakimiyyətinin bəyanatına istinadən məlumat yayıb.

Qeyd olunub ki, görüş zamanı tərəflər ölkənin birliyinin, suverenliyinin və sabitliyinin qorunub saxlanılması üçün Livanda atəşkəs rejiminin gücləndirilməsinin vacibliyini vurğulayıblar.

Qətər əmiri Yaxın Şərqdə uzunmüddətli və hərtərəfli sülhə nail olmaq üçün Dohanın İslamabadla birlikdə memorandum çərçivəsində danışıqlar prosesinə bundan sonra da dəstək vermək sadiqliyini təsdiqləyib.

Uitkoff və Kuşner vasitəçilik səylərinə görə Qətər və Pakistana təşəkkür edib və ABŞ-nin hərtərəfli razılaşma əldə etmək istiqamətində danışıqları və diplomatik səyləri davam etdirməyə sadiq olduğunu təsdiqləyiblər.

Bundan əvvəl iyulun 1-də İran və ABŞ arasında Qətər və Pakistanın vasitəçiliyi ilə dolayı danışıqların başladığı bildirilmişdi. Elə həmin gün İranın xarici işlər nazirinin müavini Kazım Qəribabadi Qətərin baş naziri ilə İran-ABŞ memorandumunun həyata keçirilməsi barədə danışıb. Bunun ardınca İran, Qətər və Pakistan arasında üçtərəfli görüş baş tutub.

Oxşar xəbərlər

Uitkoff və Kuşner Dohada İranla danışıqlar aparacaq

İran Prezidenti Qətər əmiri ilə görüşmək üçün Dohada səfərdədir

"Bloomberg": ABŞ Kuşner-Vitkoffun İranla bağlı danışıqlarını müsbət qiymətləndirir

"Bloomberg": ABŞ Kuşner-Uitkoffun İranla bağlı danışıqlarını müsbət qiymətləndirir

KİV: ABŞ Uitkoff və Kuşnerin İranla bağlı danışıqlarını müsbət qiymətləndirib