Goranboyda həkim maşınla yeniyetmə qızı vurub- YENİLƏNİB-1

Bu gün saat 11:05 radələrində Goranboy rayonunda baş verən yol-nəqliyyat hadisəsi səbəbilə xəsarət alan 2014-cü il təvəllüdlü (qadın cinsli) azyaşlı Goranboy Rayon Mərkəzi Xəstəxanasına hospitalizasiya olunub.

Bu barədə Sizinxeber.az-ya TƏBİB-dən xəbər verilib.

Ona alın və təpə nahiyəsinin hematoması, qarın və diz nahiyəsinin sıyrılmış yaraları diaqnozu təyin edilib.

Qeyd edilib ki, hazırda pasiyentin müalicəsi xəstəxananın Təcili tibbi yardım şöbəsində davam etdirilir. Vəziyyəti orta ağır, stabil olaraq qiymətləndirilir.

***

saat 13.46

Goranboyda 2014-cü il təvəllüdlü Bakı şəhər sakini Z.Bayramovanın xəsarət alması ilə nəticələnən yol nəqliyyat hadisəsinin bəzi təfərrüatları məlum olub.

Sizinxeber.az-nın yerli bürosunun xəbərinə görə, marketlərin birinin qarşısında yolu keçmək istəyən yeniyetməni Goranboy Rayon Mərkəzi Xəstəxanasının həkimi Kəmalə Abdullayevanın idarə etdiyi “Nissan” markalı minik avtomobili vurub.

Piyada xəstəxanaya yerləşdirilib, vəziyyəti orta ağırdır.

***

saat 12.31

Goranboyda yeniyetmə qızı maşın vurub.

Sizinxeber.az-nın yerli bürosunun xəbərinə görə, hadisə rayonunda yerləşən marketlərin birinin qarşısında qeydə alınıb.

Hərəkətdə olan avtomobil yolu qarşı tərəfə keçmək istəyən Bakı şəhər sakini 2014-cü il təvəllüdlü Z.Bayramovanı vurub.

Piyada xəstəxanaya yerləşdirilib, vəziyyətinin orta ağır olduğu bildirilir.

Faktla bağlı araşdırma aparılır.