Konstitusiya Məhkəməsinin hakimi Rafael Qvaladze təqaüdə yola salınıb.

"Report"un əldə etdiyi məlumata görə, təqaüdə yola salınmasına səbəb Rafael Qvaladzenin son yaş həddinə çatması ilə bağlıdır.

Xatırladaq ki, bu gün Azərbaycan Prezidenti İlham Əliyev Rafael Qvaladzeni “Vətənə xidmətə görə” ordeni ilə təltif edib.

Qeyd edək ki, R.Qvaladze 1948-ci il yanvarın 1-də Gürcüstanın Laqodexi şəhərində anadan olub. 1971-ci ildə Azərbaycan Dövlət Universitetinin (hazırda Bakı Dövlət Universiteti - red) hüquq fakültəsini bitirib. Həmin il Ali Məhkəmədə əmək fəaliyyətinə başlayıb, 1998-ci ilədək baş məsləhətçi, şöbə rəisi, hakim işləyib, eyni zamanda prokurorluq və ədliyyə orqanlarında müxtəlif vəzifələrdə çalışıb.

O, 1998-ci il iyulun 14-də Konstitusiya Məhkəməsinin hakimi təyin olunub.

Xatırladaq ki, Milli Məclisin aprelin 11-nə təyin olunan iclasının gündəliyinə keçmiş hərbi prokuror Xanlar Vəliyevin Konstitusiya Məhkəməsinə hakim təyin edilməsi ilə bağlı məsələ daxil edilib.

Oxşar xəbərlər

Rafael Qvaladze “Vətənə xidmətə görə” ordeni ilə təltif edilib

Rafael Qvaladze 1-ci dərəcəli “Vətənə xidmətə görə” ordeni ilə təltif edilib

Xanlar Vəliyev sabah Konstitusiya Məhkəməsinin hakimi təyin ediləcək

Fikrət Məmmədovun Konstitusiya Məhkəməsinin hakimi təyin edilməsi tövsiyə olunub

MM Aparatının sabiq rəhbəri II Fəxri xiyabanda dəfn olunacaq