2024-cü ilin oktyabrında Xankəndidə vəfat etmiş erməni əsilli Vera Ağasyanın meyitinin Ermənistana aparılması məsələsi müzakirə mərhələsindədir.

APA xəbər verir ki, bu barədə Ermənistan Milli Təhlükəsizlik Xidmətindən bildirilib.

Qeyd edək ki, martın 10-da Əsir və itkin düşmüş, girov götürülmüş vətəndaşlarla əlaqədar Dövlət Komissiyası tərəfindən İtkin düşmüş şəxslər üzrə Beynəlxalq Komissiyanın (ICMP) Azərbaycan Respublikasında itkin düşmüş şəxslərin axtarışı üzrə qiymətləndirmə hesabatının təqdimatında Dövlət Təhlükəsizliyi Xidməti rəisinin müavini, general-leytenant Şərafət Həsənov Ermənistanın Xankəndidə vəfat etmiş erməni əsilli Ağasyan Vera Varaşakovnanın meyitinin təhvil alınmasına heç bir münasibət bildirmədiyini açıqlamışdı.

“1954-cü il təvəllüdlü, erməni əsilli Ağasyan Vera Varaşakovnanın ötən il oktyabrın 20-də Xankəndi şəhərində yaşadığı ünvanda xəstəlikdən vəfat etməsi ilə bağlı Beynəlxalq Qızıl Xaç Komitəsinin vasitəçiliyi ilə Ermənistan tərəfinin və onun övladlarının məlumatlandırılmasına, meyitinin təhvil verilməsi üçün bütün zəruri sənədləşmə işlərinin aparılmasına, hətta cari ilin fevral ayında vasitəçilərin iştirakı olmadan sərhəddə keçirilmiş görüş zamanı məsələ Ermənistanın nümayəndə heyətinin birbaşa diqqətinə çatdırılmasına baxmayaraq, qarşı tərəf 5 aya yaxındır ki, meyitin təhvil alınmasına heç bir münasibət bildirmir”, - Şərafət Həsənov bildirmişdi.

Oxşar xəbərlər

Ermənistan Xankəndidə ölmüş erməni əsilli qadının meyitinin təhvil alınmasına münasibət bildirmir - RƏSMİ

170 azərbaycanlı əsirin işgəncələrlə öldürüldüyü istintaqla sübut edilib

İCMP itkin düşmüş şəxslərin axtarışı üçün Azərbaycana arxeoloqlar göndərə bilər

Xankəndidə erməni əsilli vətəndaş vəfat edib

Azərbaycan ICMP-nin itkinlərlə bağlı Ermənistan qarşısında məsələ qaldırmasını istəyir